@ 
為慶祝國慶75周年 ，及推廣黃大仙區中西文化交融嘅特色 ，黃大仙民政處聯同多個地區團體喺南蓮園池香海軒舉辦全港首個古董音樂盒展覽 ，展出70多組超過120至150年歷史喺歐洲製造嘅大型音樂盒 ！觀眾除咗可以近距離觀賞呢啲極珍貴嘅古董外 ，仲可以透過二維碼聽到每個音樂盒悠揚嘅音樂 ！
呢個展覽由2024年9月21日開始，廣受本地市民及中外遊客歡迎 ，由於反應熱烈，已一再延期至 2025年3月1日，展覽累計參觀人次超過6萬7千人 。今日（2/3） Thomas專員、古董音樂盒擁有人沈墨寧及沈慧林、多位區議員及地區領袖齊集南蓮園池主持閉幕禮 ，為活動劃上圓滿句號 。
今次展覽會得以圓滿成功有賴善長人翁嘅全力支持及主辦單位嘅精心策劃 ，以及南蓮園池借出展覽場地 。黃大仙民政處將繼續與社會各界攜手合作 ，善用地區豐富嘅文化資源，以創新多元化嘅方式推廣黃大仙區獨特嘅文化魅力 ，響應「香港無處不旅遊」嘅理念 。
