@ 
仁濟醫院董事局2/3順利舉行一年一度嘅仁濟慈善行 ！民政總署署長杜潔麗擔任起步禮主禮嘉賓，並主持鳴槍起步儀式 。荃灣民政專員區家盛亦到場為步行隊伍打氣。除咗仁濟醫院屬校表演 外，亦有 攤位遊戲，與眾同樂 ，場面熱鬧 。
今年全新 嘅步行路線 由荃灣海濱長廊出發至汀九白樓 ，途經近水灣、麗都灣、更生灣等多個荃灣知名海灣 ，景色怡人。喺步行期間，參加者不但欣賞到 美麗嘅海岸線，仲可以喺荃灣赤橙色隔音屏障隧道影相 「打卡」 ，遠望青馬大橋 與汀九橋醉人美景，一面做善事一面享受呢個耳目一新嘅步行體驗 ，亦可藉此機會鼓勵身邊嘅朋友及廣大市民多運動，有益身心。
署長讚揚仁濟董事局透過別出心裁 嘅路線設計，將荃灣區嘅獨特優勢巧妙地融入慈善活動之中，積極 響應及協助推廣「香港無處不旅遊」嘅理念，帶領參加者展開一場與眾不同嘅本地深度遊，期望仁濟未來能夠續創新猷，舉辦更多獨具特色嘅慈善活動 ，繼續喺社區送暖 傳愛 ，惠澤更多弱勢社群 。
