共迎全運 第二屆大埔單車節順利舉行

講到踩單車，大家第一時間就諗起大埔啦！3月2日，大埔民政專員陳巧敏及新鴻基地產集團公共事務總監李鑾輝為第二屆大埔單車節進行頒奬典禮！全日到場近4000人次，氣氛熾熱！

今年係第15屆全運會，香港會舉辦8項比賽，而場地單車正是其中一項！今次活動一定讓市民提早投入全運熱！

今次活動場地西沙GO PARK係大埔區新落成嘅地標，有球場、公園等康體場地，以及餐飲同零售設施，豐富咗大埔區十四鄉居民嘅生活配套，更為社區提供體育、互動及大型活動嘅空間。