@ 
灣仔民政事務處早前（26/2）喺灣仔活動中心舉辦咗「灣仔區大廈管理實務講座1」 ！由陳家樂律師、灣仔民政處及消防處 向業主講解 《 2024年建築物管理(修訂)條例》，仲分享大廈消防安全知識同大廈管理嘅訴訟個案 ，多位灣仔區議員亦有出席。
大廈管理組織委員同大廈業主都踴躍出席講座，並向主講嘉賓提問 ，主講嘉賓詳細分享經驗。
「大廈管理實務講座 @灣仔區」將會喺5月15日晚上7-9時喺灣仔活動中心舉行。屆時會邀請香港房屋經理學會 、勞工處及職業安全健康局 、廉政公署及競爭事務委員會，同大家分享更多大廈管理嘅資訊，快Ｄ打呢個電話2835 1999查詢同報名啦！
2025年灣仔區大廈管理宣傳活動陸續有嚟！4-6月仲會喺灣仔區唔同地點舉辦「灣仔區大廈管理宣傳展覽」 。大廈管理組織委員同大廈業主，特別係三無大廈嘅業主，千祈唔好錯過。
詳情如下：
1) 13/4 – 26/4 摩頓臺活動中心 (9am – 10pm)
2) 11/5 – 24/5 灣仔活動中心 (9am – 10pm)
3) 8/6 – 21/6 禮頓山社區會堂 (9am – 10pm)
灣仔民政處會繼續舉辦不同嘅大廈管理宣傳活動，務求令大家獲取更多嘅大廈管理資訊 ，令大廈管理工作更為完善！
@ 
@