@ 
香港西環街坊福利事務促進會（西環街坊會）係本港最歷史悠久嘅街坊會之一，亦一直係中西區民政處緊密合作伙伴。
2月27日，西環街坊會舉行乙巳年新春團拜。典禮前，一眾嘉賓齊集街坊會天台，進行升國旗及奏唱國歌儀式。
隨後，喺羅清平會長同葉榮鉅理事長陪同下，主禮嘉賓包括中西區民政專員鄭建瑩、港區全國政協委員葉永成、立法會議員陳學鋒及陳家珮、中聯辦港島工作部副處長曹興、港島聯中西區地委會主席羅錦輝、中西區各界協會會長夏中建等，喺翻新後嘅會所禮堂進行切金豬及祝酒儀式，並向在場嘉賓同街坊送上新春祝福。主禮嘉賓亦向多位老友記派利是，祝福佢哋平安大吉。
專員致辭時表示，街坊會多年來竭力為區內街坊提供多元化服務，配合居民需要。街坊會會所喺去年完成翻新後，為街坊提供煥然一新又多功能嘅聚腳點，亦不時借出場地予區內團體使用。佢感謝街坊會作為中西區寶翠小區關愛隊嘅承辦團體，致力為街坊提供適切援助，並定期舉辦多項關愛服務及地區活動，佢鼓勵街坊會繼續努力，令更多街坊可以受惠。
