@ 
日前(27/2-2/3)，荃灣區青年發展及公民教育委員會舉辦咗4日3夜嘅海南文化科技青年交流之旅 ，帶領30位荃灣區中學生去海南省海口市同文昌市考察 。
交流之旅參訪咗多個具代表性嘅地點，畀同學深入了解海南文化 同科技 發展，當中包括文昌航天超算中心及文昌航天科普館等，亦都去咗海南省非物質文化遺産展示中心體驗椰雕製作 。
同學仔仲到訪咗海南港澳青年創新創業服務中心，了解海南省支援香港學生在瓊實習同創業嘅政策 ，亦都去咗海口觀瀾湖華僑學校同當地青年交流。瓊港兩地同學仔除咗一齊參與學校嘅書法、扎染、竹竿舞等教授中國傳統文化藝術及體育項目嘅課堂 ，體驗同分享兩地嘅學習生活之外，仲結識咗唔少海南朋友仔，增進咗瓊港兩地青年嘅友誼 。
喺短短4日3夜嘅旅程，同學仔都展現咗積極學習嘅態度同埋熱情投入嘅參與 ！希望各位同學仔將旅程嘅得著應用喺未來，回饋社會，貢獻國家 ，亦感謝荃灣區青年發展及公民教育委員會委員葛兆源隨團協助！
