@ 
2024-25東區文化節精彩節目浪接浪。剛過去嘅周日(2/3)，東區民政處再次聯同享譽藝壇嘅城市當代舞蹈團(CCDC)，喺東岸公園呢個充滿活力同埋藝術氣息嘅城市海濱地標呈獻「CCDC@《東岸‧舞》」，為觀眾送上兩場精彩嘅當代舞表演。
年輕舞者以充滿活力嘅舞步，帶領觀眾穿梭東岸公園嘅開放空間 。喺醉人音樂同柔和海風懷抱下，舞者以流動、多元嘅舞步，將公園化為舞台，透過舞蹈語言讓觀眾發掘呢片城市綠洲嘅獨特魅力。
東區民政專員兼東區區議會主席陳尚文同CCDC 董事局主席 Mr Robert LEWINGTON 親臨現場，為表演揭開序幕。精彩表演贏得一眾區議員、三會委員同市民嘅掌聲同喝彩。多謝每一位參與嘅觀眾、舞者同工作人員，令「東岸‧舞」成為難忘嘅藝術體驗。
