灣仔民政處探訪灣仔區內中學

為加強了解青少年對時下青年活動嘅意見同建議，灣仔民政處早前（20-24/2）去咗灣仔區內嘅中學，就地區活動同議題與學生交流意見。

灣仔民政處仲向學生介紹 HKYouth+ 手機應用程式，邀請學生善用呢個集最新青年資訊同活動於一身嘅綜合平台，畀青少年隨時隨地，全方位探索興趣同埋充實自己。

灣仔民政處喺今次交流收集到唔同嘅意見，更加明白區內青少年嘅需要同興趣，從而制定出更有效嘅活動方案。我哋會繼續努力，為區內青年提供更有趣嘅體驗同學習機會。