@ 
推動青年發展係中西區民政處其中一項重點工作，希望透過舉辦唔同類型嘅活動，為青年人創造更多機會裝備自己、拓闊視野同發揮潛能。中西區民政處近期就舉辦咗「深圳創科考察團」同「教育及職業博覽」畀區內青年人參與。
1. 談創新．迎未來 - 深圳創科考察團
為加深青年對大灣區科技發展嘅認識，中西區民政處聯同大灣區青年發展促進會喺20/2組成「談創新．迎未來 - 深圳創科考察團」，與20多名青年人及青年工作者前往深圳進行實地考察，探索當地企業如何運用科技提升產品生產線，以實現最佳效益。
考察團先到深圳坪山嘅同興工業園參觀，了解廠房通過引入創新科技，從僅有24坪單一機械，發展至現今24小時自動化生產嘅過程，大幅提升生產效能！
考察團再前往深圳當代藝術與城市規劃館，參觀「大潮起珠江」展覽，回顧廣東改革開放40年來嘅輝煌成就，令青年深刻感受到創新科技喺推動經濟社會發展上扮演嘅重要角色，更激發咗青年朋友思考如何喺新時代中貢獻自己嘅力量！
參與考察團嘅青年人表示，活動令佢哋親身體驗到祖國嘅科技創新成果，激勵大家以創新思維參與社會未來發展！佢哋期待日後有更多考察機會同發展創意嘅空間。
2. 教育及職業博覽2025@中西區
由中西區民政處聯同中西區青年網絡合辦、中西區青年發展及公民教育委員會，以及中西區青年社區建設委員會協辦嘅「教育及職業博覽2025@中西區」，亦於22/2喺中環街市圓滿舉行！
為鼓勵同協助青年人做好生涯規劃，一連兩日（21-22/2）嘅博覽邀請咗本地院校同埋升學機構提供升學諮詢服務。現場亦特設講座，從「選賽道、選大學、選學科」多角度分析內地升學機遇，協助年青人發掘多元出路。
展覽提供各行業最新職位空缺資訊以及即場面試，仲邀請咗不同行業嘅專家，包括教育心理學家、品酒師、言語治療師等介紹佢哋嘅日常工作、入行途徑、學歷要求等。同場亦設有花藝同埋影片製作兩項職業體驗活動，幫助參加者了解自己適合及喜歡嘅行業，發掘職業路向嘅無限可能！
今次活動吸引過人參與！無論係想規劃升學安排或探索就業路向嘅青年朋友，都可以喺展場內搜羅到相應嘅資訊，協助各位青年朋友作出切合自身需要嘅生涯規劃！
