@ 
1.油尖旺民政處同區議會3月7日合辦咗首次以「一帶一路」為主題嘅論壇 ，四個平時同油尖旺有聯繫嘅「帶路」國家領館做支持機構。
全港最多少數族裔人士住喺油尖旺，好多同「一帶一路」沿線地方有密切關係，佢哋就係「民心相通」嘅「聯繫人」。
地區論壇請咗四個族裔嘅代表，向逾百名華裔青年參加者，介紹自己點樣受惠於香港作為「一帶一路」功能平台嘅優勢，造福社會。
以其中一位講者Lamia為例，佢係初創企業創辦人，研發咗一款AI導盲裝置，佢即場示範呢個得獎嘅「視障人士眼睛」，點樣發聲話比用家知周遭情況。
孟加拉裔嘅Lamia招攬不同文化背景人士，善用政府社創及科創措施，將產品推出國際市場。
活動喺佐敦嘅油尖旺多元文化活動中心MAC舉行，由新家園協會協辦，出席嘉賓包括油尖旺民政專員余健強、多位總領事及區議員等。
2. 3月9日油尖旺青年網絡(Youth Network)喺理工大學舉行結業禮，余專員頒獎畀最積極參與嘅成員。
而助理專員Allie就同埋一班YN成員回顧過去一年嘅活動，包括：
同傑青會合辦青年多元文化論壇
為期半年嘅長跑專業訓練
到京士柏欖球場學波
同特殊學校同學玩滾球
到電視台及演唱會後台等體驗工作及海外交流等。
@