@ 
由南區青少年外展服務協調會主辦、禁毒基金贊助、南區民政處同南區撲滅罪行委員會全力支持嘅「GO‧“DREAM”！抗毒計劃」飛鏢比賽暨嘉年華3月8日圓滿舉行！現場十分熱鬧，除咗有緊張刺激嘅飛鏢比賽，仲有互動攤位同展覽，畀大家即場挑戰，齊齊宣傳禁毒！
保安局首席助理秘書長(禁毒)李祖兒、南區民政助理專員陳芷羚同一眾主禮嘉賓都有到場支持。現場街坊朋友可透過互動遊戲同展覽，深入了解禁毒資訊，將學到嘅知識傳遞畀身邊人，推動健康正向嘅生活方式
政府已將依托咪酯同三種類似物列為毒品，而「太空油」已正名為「太空油毒品」。毒品嚴重損害身心健康，令人上癮、失憶，甚至可能致命。大家千祈唔好墮入陷阱！
@ 
@