@ 
「新界西北區毛筆書法比賽2024/25」由道教香港青松觀主辦，屯門民政處、屯門區、元朗區同北區中學及小學校長會協辦，旨在弘揚中國書法藝術，陶冶青少年文化修養以及促進毛筆書法藝術嘅發展同傳承。今年比賽吸引咗多間中小學嘅學生參賽，反應非常熱烈，公開組比賽參賽者都非常踴躍，增加參賽者互相交流中華文化同藝術嘅機會。
書法比賽嘅頒獎典禮暨優勝作品展8/3喺青松觀綜合大樓禮堂舉行。香港道教青松觀主席黃健榮聯同屯門民政專員關可臨、中聯辦新界工作部處長李成德、香港黃金海岸獅子會會長蕭浪鳴等一眾嘉賓主禮頒獎畀各位實至名歸嘅得獎同學同公開組參賽者，仲一齊欣賞優秀嘅得獎作品添。得獎作品都充分展現出得獎者嘅藝術修養同情感，令嘉賓同參加活動嘅大小朋友都駐足欣賞，齊齊感受書法嘅力量與美感。
