@ 
荃灣民政處一直致力建立共融社區 ，積極支持及協調關愛隊、地區團體、商會等舉辦多元化活動，以推動及傳遞互助共融精神 。
《歡笑 SEN 創未來》共融 嘉年華2025
日前（2/3），荃灣區海濱關愛隊舉辦《歡笑 SEN 創未來》共融嘉年華 ，藉此增加公眾對有特殊教育需要 (SEN)兒童 同殘疾人士 嘅了解，為有特殊需要嘅人士及其照顧者打氣 。
勞福局康復專員陳偉偉、荃灣民政專員區家盛、立法會議員陳恒鑌、陳學鋒及多位荃灣區議員等出席開幕禮 ，多位學校、福利機構及支持單位代表亦親身到場支持 ，分享 咗社區共融嘅點點滴滴。
嘉年華除咗有精彩嘅歌舞表演 外，現場亦設有多個攤位有獎遊戲，氣氛熱鬧，參加嘅大人同小朋友都滿載而歸 ，藉著今次嘉年華，讓更多人關注SEN兒童成長，令佢哋擁有一個更包容、有愛嘅成長環境。
荃灣社區少數族裔共融系列活動
最近，荃灣民政處支持巴基斯坦香港及大灣區總商會、其夥伴機構及荃灣仁濟醫院林百欣中學共同舉辦兩項地區少數族裔共融活動，包括「中華文化推廣之少數族裔學好普通話培訓班」及「香港社區共融3人籃球訓練 」。
日前（26/2）荃灣民政助理專員關俊傑、巴基斯坦香港及大灣區總商會主席Mr Qamar Minhas、荃灣區議員兼仁濟醫院董事局主席張文嘉出席普通話培訓班及籃球訓練，亦藉此機會同年青人傾下計 。
參加培訓班嘅少數族裔同學仔表示活動幫助佢哋提升中文能力，更增加咗對中華文化嘅興趣。 籃球訓練班嘅少數族裔同本地青年喺訓練過程中增進咗彼此友誼 及團隊合作精神，聽講佢哋遲啲仲會組隊參加跨區比賽 ！
