@ 
今屆「東區文化節」嘅壓軸活動第一屆舞動東區街舞比賽，由東區民政處同香港東區各界協會合辦。活動將於3月15 日(星期六）喺東區最新嘅打卡地標——東岸板道舉行。
東區街舞比賽嘅詳情公布後，隨即吸引過百名舞者報名參加，證明東區青年人充滿活力同熱情。只要熱愛街舞，任何地方都可跳出自己嘅舞台。
3月9日，主辦單位舉辦咗場快閃活動，一班舞者喺東區主要街道一展身手，為比賽做熱身，吸引大批市民圍觀欣賞，拍掌叫好。東區民政專員兼區議會主席陳尚文同埋東區各界協會會長溫俊文都有到場支持，為舞者打氣。
比賽當日，大會仲邀請咗一班星級評判同表演嘉賓，大家千祈唔好錯過啦！
日期：2025 年 3 月 15 日（星期六）
項目：Hip Hop 1 on 1 及 All Style 2 on 2
時間：下午 1 時至 6 時 30 分 （初賽及決賽）
晚上 6 時 30 分至 7 時 30 分 (頒獎及表演）
地點：東岸板道（近開合橋）
