@ 
由九龍城民政處同民建聯九龍城支部合辦嘅兩會精神分享會3月13日順利舉行。活動吸引眾多地區領袖、各界嘉賓同區內居民參與，場面熱鬧。
全國兩會係國家每年最重要嘅政治會議，已於本周二勝利閉幕。兩會提出嘅政策方向對香港未來發展具有重要意義。今次分享會旨在令九龍城區各界更深入了解兩會精神，共同推動社區嘅建設同發展。
分享會好榮幸邀請到全國人大常委暨立法會議員李慧琼及全國政協委員樊敏華擔任主講。兩位嘉賓同大家分享國家發展新質生產力嘅各項戰略。香港應發揮好自身優勢，協助國家深化國際交往合作，做好內聯外通嘅雙向跳板作用。香港亦要抓住國家發展嘅機遇，加快創科發展同人才培育。
分享會設有問答環節，與會者都積極地向兩位嘉賓發問。分享會嘅熱切交流加深咗大家對兩會精神嘅理解。
感謝所有嘉賓、社區領袖及居民嘅鼎力支持。九龍城民政處期望同各位社區賢達一同努力，將兩會精神傳遍社區每個角落。
@ 