@ 
由民政總署贊助，西貢滘西村值理會 主辦嘅洪聖寶誕演戲酬神暨花炮抽籤典禮喺今日（12/3）舉行 。
洪聖寶誕係香港重要嘅非物質文化遺產項目之一，亦係區內一個充滿傳統文化特色嘅重要節日 。每年農曆二月十三日，滘西村都會聚集好多人，除咗西貢在地居民外，仲有係外國番嚟嘅居民同埋來自世界各地嘅遊客，大家聚首一堂，一齊參與活動，欣賞精彩節目。
滘西值理會今年繼續請嚟著名嘅新群英劇團 ，一連5日（9-13/3）為鄉民帶嚟粵劇表演。粵劇名伶 龍貫天、尹飛燕、廖國森、溫玉瑜、陳嘉鳴同阮兆輝為觀衆 演出經典劇目，包括梟雄虎將美人威、鳳閣恩仇未了情同三笑姻緣， 大家都睇得相當投入，拍案叫絕 。
西貢民政專員馬瓊芬、文化體育及旅遊局旅遊事務助理專員陸玉珊、古物古蹟辦事處文物保育組執行秘書盧秀麗、非物質文化遺產辦事處總監吳雪君、西貢滘西村值理會會長吳仕褔、總理羅有妹以及西貢區鄉事委員會主席王水生等擔任主禮嘉賓。
各嘉賓主持花炮抽籤儀式，抽獲花炮嘅滘西地區團體都十分興奮，花炮將為居民帶來順景安康
@ 
@