@ 
「香港四徑超級挑戰」係山跑界 殿堂級賽事，參賽者需橫跨298公里嘅香港四大遠足徑 ：麥理浩徑、衛奕信徑、港島徑及鳳凰徑，喺72小時 內完成會得到「生還者」頭銜，60小時內完成就係「完成者」 。
《香港四徑大步走》電影記錄咗近年其中一場賽事，不同背景同年齡嘅跑手 不為獎金 或獎品 ，純粹為自我挑戰 與榮譽而戰，以最強大嘅毅力挑戰自我極限。
沙田民政處、沙田區青年網絡、沙田區青年發展及公民教育委員會及香港中華基督教青年會顯徑會所日前（14/3）合辦「《香港四徑大步走》電影欣賞會 及分享會」，邀請咗來自沙田區12間中學 、超過270位學生，一同見證 香港一班世界級越野跑手挑戰自我、超越極限嘅故事 ！
大會特別邀請咗香港四徑超級挑戰創辦人 Andre Blumberg、四徑男子組紀錄 保持者黃浩聰、四徑女子組最快 完成者張敏怡同埋最年輕生還者 Glen 出席分享會，與沙田區同學分享 佢哋嘅心路歷程同背後故事 。沙田民政專員Frederick 專誠出席支持，仲特別客串做主持 ，與年青人一同 感受各位嘉賓嘅熱血 同衝勁。
同學仔睇完呢個可能係香港最熱血 嘅挑戰後，深深感受到自我挑戰嘅意義同擁抱痛苦嘅勇氣，領略喺困難中尋找希望 嘅樂觀心態。分享會後，大家都爭相攞簽名同影相，開心交流。
人生難免經歷困倦 同迷失 ，即使面對孤獨或未盡如意嘅事，希望年青人都可以好似一眾跑手一樣，以永不放棄嘅精神、堅定嘅信念同樂觀嘅心態，面對困難 同挑戰，突破自己！
@