@ 
清明節掃墓祭祖，記得要小心處理火種，防止山火 ！
16/3離島區防火委員會一眾委員，聯同離島民政處、 東涌消防局及 梅窩消防局，喺東涌同梅窩嘅認可殯葬區及馬灣涌村，向掃墓人士及市民派發防火宣傳單張 同防火紀念品 ，提醒一眾孝子賢孫掃墓祭祖時，小心火種，愛護郊野 。防火委員亦喺認可殯葬區掛上防火宣傳橫額。
防火委員接著馬不停蹄走遍區內大街小巷，將防火資訊同埋逃生三寶 帶畀離島區居民，務求令防火信息深入社區。
離島民政處亦做好預防山火措施，喺部份認可殯葬區鄰近位置預先進行剪草工作 ，大大減低山火嘅風險 ！
