@ 
《2024年建築物管理（修訂）條例》（《修訂條例》）已經刊憲，並會喺今年7月13日正式實施。《修訂條例》有助提高法團運作嘅透明度同問責性，鼓勵更多業主積極參與重大採購決定，同埋加強阻嚇唔遵守《建築物管理條例》嘅情況。
中西區民政處3月14日聯同半山東關愛隊合辦「《修訂條例》講座暨現場諮詢會」，並由中西區區議員金玲辦事處同中區大廈業主聯會協辦，協助業主了解主要嘅修訂內容。除咗民政處代表外，物業管理業監管局亦有派代表出席講解《修訂條例》嘅細節。出席嘅街坊都專心聆聽同學習，積極向講者提問。
與此同時，中西區區議員亦陸續喺地區層面向法團同業主講解《修訂條例》嘅內容。中西區區議員楊學明、葉亦楠、楊開永同劉天正就聯同堅摩及西環關愛小隊，喺3月15日聯同半山東關愛隊合辦「《修訂條例》講座暨現場諮詢會」，並由中西區區議員金玲辦事處同中區大廈業主聯會協辦，協助業主了解主要嘅修訂內容舉辦「《修訂條例》簡介」，吸引咗超過70名區內法團代表參加。民政處代表亦在場分享同講解。
相信大家參加相關講座後都會對主要嘅修訂內容️有更清晰嘅了解，喺《修訂條例》正式實施前做好準備。
《修訂條例》仲有唔夠四個月就正式實施，嚟緊民政處會繼續同相關團體舉辦更多活動，希望提升法團、業主同物管公司對主要修訂內容️嘅認識，咁佢咃喺處理大廈管理事務上就更加得心應手啦。
