@ 
3月17日，一班老友記走訪咗唔同嘅地點，增廣見聞之餘，仲有機會體驗本土特色文化！
首先，灣仔警區耆樂警訊去到消防及救護教育中心暨博物館參觀，由消防處林Sir為我哋導航，介紹消防處歷史，裝備及重大事故。跟住參觀《九龍城寨之圍城》電影場景展覽，迫真嘅場景，完全感受到當年九龍城寨嘅生活情況呀！
老友記食飽飽之後就去咗體驗一下港式奶茶製作，簡單認識泡製奶茶嘅步驟同埋技巧，老友記仲親手為自己調製奶茶添！
最後一站去到賽馬會博物館，睇到香港賽馬活動發展嘅珍貴資料外，仲睇到馬王「翠河」嘅標本，俾大家懷緬一下馬王昔日嘅風采。
旅程期間為老友記解答防騙疑問及提供防騙訊息，時刻都要提高警覺，避免墮入騙徒陷阱呀！
