@ 
尋晚（18/3），由九龍城民政處主辦嘅2024-2025年度九龍城區優質樓宇管理活動－優質樓宇管理比賽暨最佳環境衞生大廈選舉 頒獎禮暨分享會經已圓滿舉行 。
九龍城民政助理專員胡皓文、九龍城警區警民關係主任溫卓邦及九龍城區衞生總督察陳美珠為活動主禮，並擔任頒獎嘉賓，表揚喺樓宇管理及環境衞生方面表現出色嘅屋苑。此外，活動仲設有分享會環節 ，邀請得獎屋苑代表分享佢哋嘅管理經驗，促進區內屋苑之間嘅交流與學習，進一步提升九龍城區嘅居住環境質素。
全賴居民及管理團隊嘅鼎力支持，以及各評審委員嘅專業意見，活動得以順利舉行。九龍城民政處將一如既往，繼續推動優質樓宇管理，透過不同類型嘅活動，鼓勵居民同業主積極參與大廈管理事務，向區內居民宣揚優質樓宇管理嘅重要性，與各持分者攜手共創更美好嘅居住環境。
