大埔巴士意外 民政出動支援

19/3下午，一架巴士喺吐露港公路失事，車上多人受傷。救援人員立即到場，而大埔同北區兩區民政處亦即刻啟動應急機制，支援傷者同佢哋嘅家人。

意外中嘅傷者分別送咗去大埔那打素醫院同埋北區醫院救治，大埔同北區民政處第一時間啟動應急機制，喺兩間醫院設立跨部門援助站，為傷者家屬提供資訊；民政處亦即刻動員兩個區嘅關愛隊去到兩間醫院，為傷者同家屬提供支援，以及為家屬提供飲用水同乾糧。

由於其中一位出院嘅傷者暫時需要輪椅代步，關愛隊就借出輪椅畀傷者用，等佢安心回家。