@ 
荃葵青區內一年一度嘅學界盛事 —— 第35屆「荃葵青區傑出學生選舉 」頒獎典禮喺18/3圓滿舉行。荃灣民政專員區家盛同葵青民政專員鄧顯權到場出席支持頒獎典禮，並對獲獎學生表示祝賀 。鄧專員致勉詞時更勉勵同學要成為愛國愛港、具備世界視野、有抱負及具有正向思維嘅新一代。
活動由荃灣葵涌及青衣區中學校長會及葵青區青年發展及公民教育委員會合辦、葵青民政處協辦，旨在表彰區內中五學生喺學術 、領導能力 同社區服務方面 嘅卓越表現。
本屆選舉由荃灣及葵青區44間中學各提名一位應屆中五學生參與，經過嚴謹嘅面試過程，最終選出12位傑出學生 。要成為傑出學生，不單純係學術成績，更要喺團體合作、領導才能及社區服務等方面都有卓越表現 。喺面試環節，評審就以《青年發展藍圖》中嘅《希望篇》為題材考核候選同學嘅個人見解及對社會嘅觸覺 。
再次祝賀所有獲獎嘅同學，期待各位傑出學生 喺未來嘅道路上繼續發光發熱 ，成為社會嘅中流砥柱 。
@ 