@ 
由葵涌西分區委員會、葵涌中南分區委員會聯同香港青年動力協會合辦嘅「港情·國情校園推廣活動」，喺去年9月至今年2月期間，走訪咗葵青區內10間中小學，為超過2300名學生帶嚟充滿啟發性及豐富多彩嘅國情教育活動！
活動以「認識中國式現代化」及「中國扶貧成功之道」為主題 ，每場均邀請唔同嘅講者 ，包括立法會議員、區議員等 。葵青民政專員鄧顯權亦擔任咗4場嘅演講嘉賓 ，用生動有趣嘅方式向學生講解國家發展以及香港作為國際城巿喺國家發展大局中嘅貢獻及角色 。活動中亦有國技變臉表演 ，藉此提高學生對中國文化歷史嘅認識及興趣。該環節一開始，全場氣氛瞬間高漲 ，學生們都睇得津津有味，掌聲不斷！
呢次活動除咗讓學生更了解國家嘅發展，亦增強咗佢哋對國民身份嘅認同感 。未來，葵青民政處會繼續聯同「三會」及地區團體合作 ，推動更多愛國教育活動，培育青年成為愛國愛港，具備世界視野 ，有抱負同具正向思維嘅新一代 。
感謝所有參與嘅學校、講者、表演者，以及每一位學生嘅支持！ 期待下次再見！
