@ 
「離島活力運動滿FUN日2025」 已經喺9/3順利舉行！活動連續三年都喺景色優美嘅東涌東海濱長廊進行 ，並由離島民政處聯同一眾單位，包括離島區議會社區參與及文化康樂委員會、離島區議會提振地區經濟專責工作小組、離島區青年發展及公民教育委員會、離島區青年發展網絡，同埋離島區青少年發展協會合辦 。
活動當日，民政總署署長杜潔麗、中聯辦新界工作部副部長李功勛、離島民政專員楊蕙心，聯同中國香港劍擊隊領隊林衍聰同一眾主禮嘉賓主持啟動禮 ，為一連串精彩環節揭開序幕！場內除咗有攤位遊戲之外 ，仲有唔同嘅運動畀大家體驗，例如瑜伽 、平衡車 、劍擊 等，當然唔少得小朋友 最鍾意嘅大型充氣障礙賽道啦！活動吸引咗超過5000位市民一同參與 ，同時為迎接第十五屆全國運動會打響頭炮！
活動尾聲，離島運動大使馮允謙 嚟到現場分享運動心得，鼓勵大家強身健體，最後仲用歌聲 祝願大家身心安康、生活愉快 ！
