九龍城區耆樂警訊 參與「洗腎救人獅子行」慈善步行籌款

3月23日，有20多位九龍城區耆樂警訊嘅老友記獲得國際獅子會腎病教育中心及研究基金嘅邀請嚟到沙田城門河參與「洗腎救人獅子行」慈善步行籌款。

老友記喺沙田城門河龍舟亭起步，然後繞圈來回，大家都精力充沛，無懼猛烈嘅太陽完成這次咁有意義嘅活動。

步行完畢後，非常感謝九龍城區耆樂警訊名譽會長會主席陳婉儀喺大埔林村請大家品嚐美味嘅盆菜。

今次嘅活動，老友記不但可以趁這個機會做吓運動亦都身體力行，去支持呢個咁有意義嘅活動，從而希望可以幫到有需要嘅人。