@ 
灣仔民政處7月2日安排灣仔青年發展網絡嘅青年參觀機場心臟地帶同國泰城，畀大家深入了解航空業運作。
同學仔首先參觀新機場中央控制中心 ，機管局人員可以即時監察數十個關鍵績效指標 ，包括飛機起降率、行李處理量 、停機坪 使用率等等。之後又去到新落成嘅天際走廊遠眺停機坪同三跑系統，真係大開眼界 ！
同學仔再去到國泰城參觀，親身試玩飛行訓練模擬器，又參觀模擬登機處同模擬乘客艙 ，一次過體驗機師、機組人員同乘客各個唔同嘅身份。活動完結後，大家都表示對航空同空中服務業有更多嘅了解 。
灣仔民政處話要特別鳴謝香港機場管理局同國泰航空有限公司嘅全力支持 ，灣仔區嘅青年先可以得到咁寶貴嘅參觀機會 。
