@ 
要說好葵青故事，最直接就係用作品說話！由葵青民政處、葵青區青年發展及公民教育委員會主辦，荃灣葵涌及青衣區中學校長會、葵涌區小學校長會同青衣區小學校長會協辦，並由香港青年協會賽馬會葵芳青年空間擔任合作夥伴嘅「 葵青觸影•光影傳情」青年攝影 比賽已經順利舉行 ！
今次比賽反應熱烈，大會一共收到166幅嚟自26間葵青區中小學、全港10間大專院校同埋公開組嘅參賽作品。葵青青年運用多元攝影技巧，如色彩 、光影、構圖同角度，用鏡頭捕捉美好生活嘅瞬間，一同用作品說出屬於葵青區嘅故事，展現對葵青區嘅深厚情感 。
比賽精彩回顧
比賽評審日(6/2)：
感謝一眾評審團隊，包括葵青民政專員鄧顯權、葵青區青年發展及公民教育委員會主席陳藹怡及副主席盧婉婷、荃灣葵涌及青衣區中學校長會副主席簡偉鴻、葵涌區小學校長會主席吳永雄、青衣區小學校長會主席冼翠華、香港青年協會督導主任謝少莉、香港專業攝影師公會會長曾嘉樂同HOBBYHK創辦人徐世亨，從眾多優秀作品裏面精挑細選，揀出四大組別包括葵青區小學組、葵青區中學組、葵青區大專組同埋全港公開組嘅冠、亞、季軍！
攝影技巧研習班暨導賞團(8/3)：
大會安排咗專業攝影導師同得獎者到訪葵青區特色攝影 熱點，包括葵盛西邨嘅「青色通道」同「空中樓梯」、青嶼幹線觀景台同埋祖堯邨，影靚相兼分享相機運用心得同專業拍攝技巧，例如利用地面積水凝造「天空 之鏡」效果，同埋運用長焦距壓縮相片空間感等，提升攝影層次同視覺感染力。
再次恭喜所有得獎者，亦衷心感謝每一位參賽者嘅熱情同積極參與！佢哋嘅才華同創意，令大家睇到青年眼中唔一樣嘅葵青區 —— 更美、更真、更動人 。 ！葵青區精彩嘅青年活動陸續有來，記得緊貼委員會嘅最新動向！
