@ 
3月23日喺警察總部8樓演講廳舉行咗「關愛校園領袖訓練計劃 - 嘉許儀式」，呢個計劃喺過去一年透過一連串嘅領袖訓練活動，成功培育咗一班中學生成為關愛校園領袖喺學校內外傳遞正能量比身邊嘅同學仔，主動創造一個更加關愛嘅校園環境。今日嘅儀式係特意讓到呢班剛完成訓練嘅關愛校園領袖將寶貴經驗分享俾參與新一屆關愛校園領袖訓練計劃嘅師弟師妹們。
過去一向關心青年發展嘅警務處處長蕭澤頤先生今日亦親身嚟到當中勉勵大家，分享自己嘅抗壓心得，更加抓緊同同學一齊傾談嘅時間去了解現時學生所面對嘅挑戰。另外，我哋嘅關愛校園大使 - 2020年奧運女子團體乒乓球銅牌得主杜凱琹MH今日亦專程嚟到警察總部將佢嘅成長秘訣傳授俾同學仔。
今次計劃嘅成功有賴關愛之星符文靜女士過去一年大力支持及贊助我哋計劃。展望新一屆嘅關愛校園領袖訓練計劃，我哋會繼續籌劃不同嘅活動比同學參與，而今年嘅計劃，我哋更邀請到『保安局青少年制服團隊領袖』一齊參與，相信佢地嘅加入一定會更加帶動到同學之間嘅互相學習，為大家創造出一個更加關愛嘅校園環境。
