@ 
【極端天氣應變計劃簡介會⚠️☔️ @深水埗】
近年氣候變化令極端天氣情況愈發普遍☔️，深水埗民政處今日(12/7) 聯同警務處👮🏻♂️、消防處👨🏻🚒、民安隊👮🏻♀️代表喺南昌社區中心舉辦跨部門簡介會，為區議員同埋25隊深水埗關愛隊進行解說✍🏻，等佢哋更了解喺極端天氣、緊急事故下，每個單位如何各司其職為市民提供援助💪🏻。
簡介會上，深水埗民政專員黃昕然介紹咗地區緊急事故協調中心嘅運作⚠️、深水埗區內大廈喺風險熱度數據♨️、關愛隊喺緊急事故中嘅支援角色🫡。
深水埗警區指揮官朱文龍總警司介紹咗三級緊急應變系統📍；消防處助理消防區長陳思哲就分享咗消防處喺李鄭屋邨太陽能板墮下事故嘅行動🚒；民安處行動及訓練主任郭嘉琪亦分享部門將事故現場分成熱、暖及冷區三區嘅策略✍🏻。所有部門都係會上提醒關愛隊喺日後行動注意安全，有效支援政府部門工作🫱🏻🫲🏼。
簡介會最後亦設有情景示範環節，關愛隊隊員示範區內大停電時，迅速到訪有需要住戶同協助長者到臨時庇護中心🏥，並喺庇護中心跨部門援助站現場提供適切支援💡。相信關愛隊隊員睇過示範後喺真實情況下可以即刻就位，與各部門通力合作🙌🏻。
超過100名區議員及關愛隊成員、義工參加今次嘅簡介會。大家都好踴躍咁喺問答時間同部門代表交流同分享服務經驗💬，希望未來大家喺應對緊急工作嘅時候會更得心應手👍🏻。
#深水埗民政處 #深水埗區議會 #深水埗區關愛隊 #極端天氣應變計劃 #跨部門救援 #大停電 #香港警務處深水埗警區 #西九衝鋒隊 #消防處 #民安處
@ 
@