@ 
中西區民政處自去年7月開始喺堅尼地城社區綜合大樓共用空間舉辦「心‧流」輕趣坊，鼓勵大家透過輕鬆有趣嘅活動培養正向情緒。輕趣坊舉辦咗唔同嘅手作體驗，畀唔同年齡層嘅大小朋友參加，過去大半年參加者就體驗咗糖霜曲奇、編織、木工、手工銀器、繪畫及咖啡沖調。
參加者喺導師領導下投入手作之中，學習專注當下、進入欣然自樂嘅「心流」狀態，暫時放低生活煩惱，調適個人情緒。導師亦會協助參加者回顧「心流」經歷，引導大家檢視内心需要，探索促進自己進入「心流」狀態嘅方法，培養幸福感。
「心‧流」輕趣坊推出至今已服務接近500名居民。都市人生活節奏急促，無論係大人、青年人定小朋友，都要記得閒時鬆一鬆，照顧好自己嘅身心靈健康 。
