@ 
中西區民政處及中西區區議會聯同香港島各界聯合會中西區地區委員會及香港中西區各界協會3月21日舉辦「中西區學習全國兩會精神座談會」，邀請咗第十四屆港區全國人大代表李應生同第十四屆港區全國政協委員葉永成擔任主講嘉賓，向區內人士講解第十四屆全國人大同全國政協第三次會議（全國兩會）嘅重要內容同對香港未來發展嘅意義。
全國兩會早前喺北京圓滿閉幕。國務院總理李強喺會議上作政府工作報告，除咗總結國家過去一年嘅工作外，亦對未來一年作出部署，當中有唔少內容都同香港息息相關。
座談會有超過300名參加者，包括區議員、地區委員會委員、社團領袖、關愛隊隊員及中學生等，分享兩會嘅精神要義，同埋鼓勵大家貫徹全國兩會精神，發揮一國兩制嘅重大優勢，好好把握國家高質量發展機遇，融入國家發展大局。
參加者都專心聆聽主講嘉賓嘅分享，仲踴躍發問。
有出席嘅同學表示，藉住今次嘅座談會，學習同領會全國兩會精神，進一步認識國家嘅發展，獲益良多。
亦有地區委員會委員表示，參加完座談會後，對全國兩會精神有更深入嘅理解同埋體會，亦感謝國家重視香港未來發展，日後定會繼續實踐同協助宣揚相關精神。
