@ 
新蒲崗康強大樓電錶箱今日（25/3）下午發生小火，幸好冇人受傷，但大廈電力供應暫停，受影響單位包括約30個住宅單位和4間地舖。
黃大仙民政專員Thomas、區議員以及新蒲崗關愛隊隨即到達現場，喺地下設立服務台，向居民提供最新資訊及手提電話叉電器 等。雖然大廈樓高6層並且無電梯，但為咗盡快了解受影響居民嘅需要，關愛隊立刻上樓逐家逐戶關心居民、並送上樽裝水、餅乾等物資 。關愛隊亦上樓為行動不便嘅居民送上午餐及晚餐。
民政處已開放東頭社區中心禮堂作庇護中心供有需要嘅居民使用；關愛隊亦立刻聯絡中電，並聯同大廈法團、管理公司、以及維修承建商視察電箱嘅損毁情況，希望有關搶修工程能盡快於一兩天完成 。
民政處、關愛隊以及區議員會繼續秉承「民政幫到你」嘅精神，全力協助康強大廈受影響嘅居民，希望大廈嘅電力盡快恢復！
@ 