跨部門聯手清棄車 保持街道後巷暢通

灣仔民政處一直聯同運輸署、路政署、港島東地政處及警務處緊密合作，持續打擊區內棄置車輛問題，打造整潔嘅社區環境！

今次行動，大家先視察區內公共街道同後巷，鎖定棄置電單車位置，張貼告示提醒車主清理期限。限期到後，喺3月14日再次出動，清理咗多輛棄置電單車，騰出公共空間，令街道同後巷不再被「廢車」霸佔。

棄置車輛除咗阻街、影響市容，仲可能阻塞緊急通道，危害大家安全 。各位駕駛人士記得要做一個負責任嘅車主，為愛車安排妥善處理，千祈唔好隨意棄置呀！

灣仔民政處會繼續聯同各部門齊心協力，共建整潔宜居灣仔。