@ 
荃灣區議會與物業管理業監管局會面
尋日(25/3)，荃灣民政專員兼區議會主席區家盛同一眾荃灣區議員與物業管理業監管局會面交流 ，就區內物業管理事宜 同點樣提升物業管理服務水平積極交換意見。
物監局行政總裁蕭如彬簡介局方工作，並講解《物業管理服務條例》下嘅發牌制度同埋荃灣區物業管理情況 。荃灣區議員喺會中就物業管理事宜發問，兼反映居民嘅相關意見同建議。相信今次交流會面能加強物監局同荃灣區議會合作，共同進一步提升荃灣區物業管理水平！
荃灣區議會參觀香港港安醫院—荃灣
日前(20/3)，荃灣民政專員兼區議會主席區家盛同一眾荃灣區議員到訪香港港安醫院—荃灣，與醫院代表探討如何進一步促進醫院同地區嘅合作，加強社區健康教育，提升社區醫療服務水平。
香港港安醫院—荃灣係一所非牟利私家醫院，仲設立咗港安醫院慈善基金以支持同推動多個社區慈善項目，惠及眾多荃灣區基層病人；當中包括慈善白內障手術計劃、慈善小腸氣手術計劃、免費牙科服務同影像診斷檢查等。慈善基金過去亦同荃灣區議員及關愛隊緊密合作，為區內低收入人士提供免費基本身體檢查。
感謝港安醫院慈善基金過去熱心支持荃灣區有需要人士，期待基金未來同荃灣區議會及地區人士繼續推動更多唔同類型嘅慈善項目，惠及更多有需要嘅荃灣居民。
