@ 
由南區民政處、香港南區各界聯會、香港島各界聯合會南區地區委員會喺26/3合辦咗「全國兩會精神分享會」。南區民政專員兼南區區議會主席張佩珊致辭時表示，南區民政處會繼續與社區團體攜手深入社區，積極把握機遇，為祖國、為香港貢獻。
社區熱烈響應，南區揚帆啟航
今次分享嘅嘉賓有港區全國人大代表朱立威，以及全國政協委員周厚立。佢哋就今年兩會精神嘅重點同在座接近200位聽眾分享個人嘅心得同體會，包括國家嘅財金政策、經濟佈局、發展形勢、國際關係、香港三大中心地位，同埋社會民生福祉等各個方面重要信息。
到場支持嘅仲有中聯辦港島工作部副部長楊成偉、香港南區各界聯會理事長陳南坡、香港島各界聯合會南區地區委員會主席彭兆基等一眾嘉賓，當然仲有勤力嘅南區區議員、「三會」委員、關愛隊成員以及眾多南區熱心居民，令會堂座無虛席。
未來，南區會繼續努力，不負大家對國家富強昌盛嘅美好祝願，加強市民對祖國嘅歸屬感。
