@ 
第七屆九龍城區議會尋日（27/3）舉行第八次會議，議員及政府部門代表就遏止太空油毒禍、「聯廈聯管」及海濱發展等重要議題深入交流意見。
九龍城區中小學林立 ，區議員特別關注近日太空油毒品入侵校園的情況。保安局禁毒專員李基舜、警方、教育局及社會福利署代表出席尋日嘅區議會會議，積極與議員交流喺區內遏止太空油毒禍嘅各項措施。
區議會亦討論咗即將推行嘅「聯廈聯管」 試驗計劃，議員十分支持計劃，認為區內有眾多「三無大廈」及舊式單幢大廈，「聯廈聯管」計劃可支援業主履行大廈管理責任，幫助居民解決難題，改善居住環境。議員亦提出多項建議，例如擴大目標小區，加強計劃嘅宣傳工作，以及設立回饋機制，讓參與者分享經驗同建議等，進一步完善「聯廈聯管」試驗計劃 。
履新後首次以區議會主席身份主持會議嘅九龍城民政專員蔣志豪勉勵區議員，繼續秉持九龍城精神，喺「完善地區治理」體系下，同心合力，為社區做實事，做好「上情下達、下情上報」 嘅角色，提高九龍城居民嘅獲得感同幸福感。
@ 