鄉郊渠務改善工程@北區

最近天氣變幻莫測，之前仲突然落咗場大雨，大家出門記得要帶定把遮呀！北區民政處已經做好準備，迎接雨季來臨。

我哋除咗定期清理村內嘅排水系統外，仲會根據過往雨季嘅經驗，持續策劃改善村內排水設施。我哋參考咗上年雨季嘅情況，研究改善區內較容易受水浸影響嘅位置。經過多次實地視察同緊密籌備，過去大半年已經完成超過10項排水系統改善工程！相信呢一系列嘅工程可以有效減低北區嘅水浸風險，將極端天氣對居民造成嘅影響盡量減少！