@ 
油尖旺民政處歡迎「支援長者及照顧者計劃」啟動禮尋日（31/3）到旺角舉行。
啟動禮後，油尖旺民政專員余健強、同區福利專員林綺梅及旺角南關愛隊隊長何卓峰等去咗探訪一位獨居婆婆，婆婆好多謝關愛隊一直嘅關心。
余專員最近陸續約見油尖旺區各隊關愛隊，肯定大家嘅工作。截至2025年三月底，油尖旺區關愛隊合共進行超過12000次家訪。
尋日，尖沙咀中關愛隊知道有大廈受爆水喉影響，食水供應中斷，隊長陳麗芳立即率領隊員到場協助居民，將食水從地下運送到住喺較高樓層嘅長者家中。
嚟緊油尖旺區關愛隊會繼續進行「多元共融師友計劃」、響應15/4國安日及舉辦調解培訓。
@ 