@ 
好消息！社會福利署地區服務及關愛隊伍——支援長者及照顧者計劃將會擴展到18區
南區作為先導計劃之一，17小區全部都會繼續全力支持同參與呢個計劃。
南區關愛隊喺過去一年家訪時，成功識別好多有需要進一步跟進嘅個案。早前，南區民政事務專員兼關愛隊總指揮張佩珊、南區關愛隊聯席召集人彭兆基，連同鴨脷洲北關愛隊成員一齊探訪其中一位婆婆。喺3月31日嘅啟動禮，我哋邀請咗婆婆到場，同大家分享南區關愛隊幫到佢嘅窩心小故事，包括關愛隊主動幫佢申請「平安鐘」服務、清潔屋企、換抽氣扇同協助安排長者院舍等。
喺呢個計劃下，關愛隊會積極轉介有需要個案畀社福機構，亦會大力向市民推廣各項關愛服務，主動進一步幫助有需要人士，共建互助互愛嘅社區。
