春暖花開 元朗明渠大變身

春風送暖，百花爭艷，元朗居民有福啦！大家有冇留意到元朗明渠一帶最近變得越嚟越靚？為配合「悅目亮麗城市計劃」，元朗民政處透過「地區小型工程計劃」款項，支援康文署於元朗明渠沿線種植唔同顏色嘅簕杜鵑及色彩繽紛嘅時花，不但提升市容，仲打造咗全新嘅賞花打卡熱點！

由港鐵朗屏站至馬棠路一帶，已經種滿唔同顏色嘅簕杜鵑及色彩繽紛嘅時花，行過都覺得賞心悅目！

元朗明渠兩旁亦放置花架同花盆，配合簕杜鵑嘅盛放，形成一道美麗嘅花海，絕對係今個春天最值得一家大細或情侶朋友一齊漫步嘅理想地方！