@ 
清明節係孝子賢孫拜祭先人嘅重要日子，亦都係元朗區防火委員會最重視嘅日子之一 。因為佢哋要總動員去提醒大家掃墓時 務必小心火種 ，防止山火發生！
4月4日元朗區防火委員會聯同元朗民政處 、消防處 、元朗六鄉鄉事委員會、社區應急先鋒、民安隊、聖約翰救傷隊及一眾義工 ，到區內鄉郊地方宣傳，提醒大家保護林木，掃墓時要注意防止山火 。
元朗區防火會早前亦已經喺區內懸掛宣傳橫額 同張貼海報 ，提醒市民注意火種！
另外，元朗民政處都加強預防工作，喺認可殯葬區附近小路修剪雜草，元朗地政處亦協助增加個別地點剪草工作 ，消防處就加派人手喺高風險地點，並配合無人機加強巡邏，隨時候命，務求減低山火風險！
防止山火，大家都可以出一分力 ！記得燃點香燭冥鏹之前，先將四周雜草清理乾淨 。使用化寶盆焚燒冥鏹，千祈唔好焚燒垃圾或野草 。離開時，務必確認所有火種完全熄滅！
@