@ 
清明時節，慎終追遠 ，各位孝子賢孫掃墓祭祖時記得小心處理火種。 消防處4月3日聯同民安隊及飛行服務隊等舉辦跨部門記者會，呼籲市民防範山火。大埔區連日來亦採取咗多項行動， 積極配合相關防治工作。
4月4日清明節正日，大埔區防火委員會聯同大埔消防局、大埔東消防局、大埔區社區應急先鋒名譽會長會及大埔區社區應急先鋒，喺黃宜拗、大埔港鐵站及大埔中心一帶，向區內居民及掃墓人士派發防止山火嘅宣傳單張及除草手套，以提升市民喺節日期間嘅防山火 意識。
大埔民政處一如既往，預先喺部份認可殯葬區鄰近位置進行剪草 工作，大大減低山火風險。同時，大埔防火會較早前亦透過大埔鄉事委員會及西貢北約鄉事委員會向村民派發防火宣傳單張 ，並透過兩個鄉事委員會嘅社交群組轉發電子防火宣傳單張，廣泛提高村民嘅防火安全意識 。
再次提醒大家，千祈唔好用火燒除雜草。拜祭時應該喺鐵桶內燃燒冥鏹，並確保火種完全熄滅先好離開。大家一齊努力，先可以避免山火！