@ 
今年嘅清明時節，除咗無雨紛紛 ，仲好似幾乾爽 添，防止山火嘅工作就顯得更重要 。北區防火委員會 就喺22/3同29/3一連兩個星期六，聯同消防處代表 同消防處社區應急先鋒名譽會長會（北區），做咗2場宣傳防止山火活動。大家去咗和合石墳場 ，向掃墓人士派發防止山火宣傳單張同紀念品 ，亦安排咗宣傳車 播放防火嘅信息 ，提醒掃墓人士喺清明節期間要小心處理火種 ，以免山火發生 。除此之外，民政處亦喺北區多個位置懸掛宣傳防止山火橫額 ，加強推廣防止山火信息。
值得一提嘅係，喺舊年重陽節期間，北區嘅山火事件數字大大減少 ，令人鼓舞 ！希望各位再接再厲為防火出力，繼續向「北區0 山火」目標進發 ！
@