@ 
4月6日灣仔區耆樂警訊同少年警訊嘅會員一齊參觀咗中電鐘樓文化館，展開咗一場別開生面嘅電力探索之旅。
文化館透過精心策劃嘅歷史珍品、短片同互動展覽，帶我哋探索睇似無形但無處不在嘅電力世界，真係大開眼界！
導賞環節入面，中電嘅導賞主任唔單止詳細講解香港電力發展史，推廣慳電嘅重要性，更深深感受到國家對香港嘅強大支援。主任特別提到，國家喺大亞灣興建核電廠，為香港提供穩定又充足嘅電力，呢項關鍵基建為香港經濟發展打下堅實基礎，成就今日嘅繁榮景象！
今次活動唔止增進對電力嘅認識，更體會到能源背後嘅人文關懷同國家支持，真係獲益良多！
