@ 
雨季將至，大家記住要做好防風同防水浸措施，保護自己同家人，齊心守護社區。
4月8日，南區民政專員兼關愛隊總指揮張佩珊聯同消防處、警務處、渠務署、南區關愛隊、薄扶林村街坊福利會代表同明愛薄扶林社區發展計劃代表，喺薄扶林村同村民順利完成咗一年一度嘅水浸疏散演習。
演習其中一個重點就係模擬搜救行動，村內巷弄縱橫交錯、寮屋門牌號碼排序複雜，加上地勢高低不平，大大增加疏散同搜救難度！即使係咁，都難唔到訓練有素嘅消防員！ 村民喺消防員帶領、關愛隊同義工嘅協助下，全部迅速有序咁疏散到「菜園」集合。
疏散演習完畢後，消防處向村民總結今次演習嘅逃生要訣、介紹「逃生三寶」同「防火三寶」，仲教埋大家正確使用滅火筒、滅火毯等。渠務署又提醒村民要時刻保持渠道暢通，再講解埋村內嘅渠務工程同水位偵測系統，等大家好好防範水浸風險。警務處亦趁機宣傳防騙信息，有老友記一講就講得出防騙熱線係18222，非常醒目！
無論係防災定係救災，政府各部門都會全力以赴，盡心盡力協助居民，令社區更安全、更幸福。
@ 
@