@ 
「流光溢彩耀東區」打卡地標自12/4亮燈以嚟，除咗廣受市民歡迎，成為餘暇好去處外，更為喺東區文化廣場所舉辦嘅活動提供助力，吸引更多市民到東區食玩買，促進地區經濟 。
為咗向更多市民推廣打卡地標，東區地區青年建設委員會早前舉行「流光溢彩耀東區」打卡地標攝影比賽 。比賽分為學生組同埋公開組，東區地區青年建設委員會秘書處共收到 份作品，有超過嚟自全港最少12區嘅居民同埋15間學校嘅學生參與比賽，反應相當熱烈。
東區民政專員陳尚文15/7聯同東區地區青年建設委員會正副主席李德權、鄭承峰同委員關兆恩進行評審，選出得獎作品 。好多作品水準極高，大家都覺得難分高下！比賽結果好快就會公布，大家請拭目以待 ！
同時，「流光溢彩耀東區」打卡地標已展出超過三個月，嚟緊喺17/7開始會進行為期約兩星期嘅檢修同埋電力系統提升工程 ，感謝大家耐心等候。打卡地標暫定展出至今年第3季，喺檢修過後，打卡地標會再亮麗登場 。再一次感謝居民對「流光溢彩耀東區」嘅熱愛，將會好快再同大家見面！ ️
