18 區日夜都繽紛@葵青戲棚傳統文化節2025

「葵青戲棚傳統文化節2025」(葵青戲棚)開幕典禮 9/4喺青衣體育會運動場舉行 。民政及青年事務局 局長麥美娟、中聯辦新界工作部副部長李功勛、葵青民政專員鄧顯權、葵青區議會提振地區經濟專責工作小組暨青衣鄉事委員會主席陳志榮及一眾政府部門代表一齊主持醒獅點睛儀式 ,並為香港市民上香祈福 ,祝願祖國繼續繁榮昌盛 、香港欣欣向榮 、百業騰飛 。

「葵青戲棚」結合真君誕及天后誕嘅節慶文化同地區特色,除咗喺香港非物質文化遺產之一嘅傳統戲棚 內進行粵劇、神功戲等文娛表演 ,戲棚外仲有50多檔特色攤檔,售賣美食 同其他乾濕貨 。場內更設富地區特色嘅大型花牌及造型可愛嘅熊貓擺設 畀市民打卡 。弘揚中國傳統文化之餘,亦為一家大細提供消閒娛樂好去處 。

今年適逢東江水 供港60周年及《香港國安法》頒布5周年。水務署 、警務處 及環保署 分別設置專題展覽車及攤位,向大眾宣傳節約用水 、國家安全 及環保教育 等重要資訊,與民同樂,一舉多得。

呢項地區盛事,有賴青衣鄉事委員會積極籌辦、各政府部門共同協作 同葵青區議會全體議員及三會成員鼎力支持 。當然唔少得市民熱情參與 ,為葵青特色文化注入動力及帶動地區經濟 。

「葵青戲棚」第一階段「真君大帝寶誕」 已經喺9/4開始咗,一連五日活動將於4月13日完結;第二階段「天后聖母寶誕」 將於4月28日至5月2日舉行。

約定你喺葵青戲棚盡情食 、買 、玩 !大家千祈唔好錯過充滿地區特色嘅文化節活動 。

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *