大埔區《國安·家好》同樂日2025

大埔民政處同大埔區撲滅罪行委員會12/4喺大埔超級城合辦「大埔區《國安·家好》同樂日2025」，以推廣4月15日嘅第10個「全民國家安全教育日」。適逢今年《香港國安法》頒布實施五周年，令踏入第三年嘅同樂日饒具意義。

活動節目豐富，由民政總署署長杜潔麗親臨啟幕禮。打響頭炮嘅有大埔區校際公民常識問答比賽決賽及頒獎禮，同學仔傑出嘅表現突顯年青一代對認識國家安全嘅熱忱。同場亦有大埔區青年網絡傑出義工嘉許禮暨成果展及大埔區優秀警務人員頒獎禮，表揚一班致力服務社群嘅青年人同警務人員。