@ 
由中國香港文化體育旅遊協會主辦、香港天津聯誼會及香港河北聯誼會協辦嘅「第二屆京津冀節」尋日(12/4)喺黃大仙廣場盛大舉行 。中聯辦九龍工作部處長段建華、黃大仙民政專員Thomas、中國香港文化體育旅遊協會主席鄧雯蕙、立法會議員及一眾黃大仙區議員出席活動啟動禮 ，帶領參加者探索京津冀三地獨特嘅文化魅力及人文風情 。
今年係第2年舉辦京津冀三地同鄉文化節 ，規模更勝往年 。市集包羅萬有 ，除咗有售賣冰糖葫蘆、脆麻花及涼茶飲品等特色家鄉食品嘅攤位，亦有展現精湛傳統技藝嘅攤位及民族文藝表演，立體咁將北京、天津同河北三個地方嘅文化瑰寶呈現喺市民及遊客眼前 。場內仲設有以多個京津冀著名地標為主題嘅打卡裝置 ，如故宮、長征五號火箭及櫻花園等映入眼簾 ，讓市民仿如置身呢三個城市之中 。
京津冀節市集12-13/4一連兩日喺黃大仙廣場舉行 ，大家快啲約埋家人朋友一齊參與呢個文化盛會 ，體驗北京、天津同河北嘅獨特風俗民情
